Irudiak inprimatzea

6.1. Orrialde-ezarpenak ezartzea

Inprimatu aurretik, erabili nahi dituzun orrialde-ezarpenak ezarri behar dituzu. Horretarako, aukeratu Fitxategia ▸ Prestatu orrialdea.

Prestatu orrialdea elkarrizketan paperaren tamaina eta orientazioa aukeratu ahal izango dituzu. Baliteke inprimagailua ere hautatu ahal izatea, orrialdearen ertzak ondo ezartzeko.

6.2. Irudiak inprimatzea

Irudi bat inprimatzeko, jarraitu urrats hauek:

  1. Hautatu Fitxategia ▸ Inprimatu
  2. Inprimatu elkarrizketan, hautatu zerrendan erabili nahi duzun inprimagailua.
  3. Hautatu Inprimatu. Irudi-ikustailea inprimatzen hasiko da.

Orrialderako handiegiak diren irudiak automatikoki doituko zaizkio orrialdeari. Era berean, orrialdea baino txikiagoak diren irudiak erdialdean jarriko dira.

Kontuan hartu Irudi-ikustaileak ez duela inprimatzeko progresioa erakusten. Denbora labur horretan, interfazeak ez du erantzungo.

6.3. Irudi bat orrialdean antolatzea

Agian ez duzu nahiko irudia orrialdearen erdialdean jartzea, edo gehiago eskalatu nahi duzu. Horretarako, ireki Inprimatu elkarrizketa (ikus 6.2. atala ― Irudiak inprimatzea), eta hautatu Irudiaren ezarpenak fitxa. Bertan ondoko aukerak dauzkazu:

  • Kokalekua atalean irudiak orrialdean duen kokalekua aukeratuko duzu.
  • Bestela, irudia orrialdean kokatzeko, arrastatu Aurrebista eremuan.
  • Tamaina ataleko aukerek eskala zure gustura hautatzen lagunduko dizute. Eskala irudiaren tamainak edo orrialdearen tamainak mugatuko dute, aurrena dagoen baldintzaren arabera.
  • Era berean, Unitatea aukeran hautatuko duzu Irudiaren ezarpenak fitxako aukerek erabili beharreko unitate metrikoa. Behin aukera hori hautatuta, beste eremuetako balioak horren arabera aldatuko dira.