Erabilera

3.1. Dokumentu bat irekitzea

Dokumentu bat irekitzeko, jarraitu urrats hauei:

  1. Aukeratu Fitxategia ▸ Ireki.
  2. Ireki dokumentua elkarrizketa-koadroan, hautatu ireki nahi duzun fitxategia.
  3. Egin klik Ireki botoian. Leihoaren titulu-barran bistaratzen du dokumentuaren izena Evince dokumentu-ikustaileak.

Beste dokumentu bat irekitzeko, aukeratu berriz Fitxategia ▸ Ireki. Fitxategi bakoitza leiho berri batean irekitzen du Evince dokumentu-ikustaileak.

Evince dokumentu-ikustaileak ezagutzen ez duen formaturen bateko dokumentu bat irekitzen saiatzen bazara, errore-mezu bat azalduko da.

3.2. Dokumentu batean nabigatzea

Honela nabiga daiteke dokumentu batean:

  • Hurrengo orria ikusteko, aukeratu Joan ▸ Hurrengo orria.
  • Aurreko orria ikusteko, aukeratu Joan ▸ Aurreko orria.
  • Dokumentuaren lehen orria ikusteko, aukeratu Joan ▸ Lehen orria.
  • Dokumentuaren azken orria ikusteko, aukeratu Joan ▸ Azken orria.
  • Orri jakin bat ikusteko, idatzi tresna-barrako testu-koadroan orri-zenbakia edo orri-etiketa, eta sakatu Sartu.

3.3. Orri bat korritzea

Bistaratze-arean ikusten ez den edukia bistaratzeko, aukera hauek daude:

  • Erabili teklatuko gezi-teklak edo zuriune-tekla.
  • Egin klik saguaren erdiko botoiarekin dokumentuan (edonon), eta sagua mugitzean bistaratze-area arrastatzen da. Adibidez, orrian behera korritzeko, arrastatu gorantz bistaratze-area.
  • Erabili leihoko korritze-barrak.

3.4. Orriaren tamaina aldatzea

Evince dokumentu-arakatzailearen bistaratze-areako orrien tamaina aldatzeko aukera hauek daude:

  • Orriaren tamaina handitzeko, aukeratu Ikusi ▸ Handiagotu zooma.
  • Orriaren tamaina txikiagotzeko, aukeratu Ikusi ▸ Txikiagotu zooma.
  • Orri baten tamaina aldatzeko, Evince dokumentu-ikustailearen bistaratze-arearen zabalera bera izan dezan, aukeratu Ikusi ▸ Doitu orriaren zabalera.
  • Orri baten tamaina aldatzeko, Evince dokumentu-ikustailearen bistaratze-arean kabitu dadin, aukeratu Ikusi ▸ Egokiena.
  • Evince dokumentu-ikustailearen leihoaren tamaina aldatzeko, pantailaren zabalera eta altuera bera izan ditzan, aukeratu Ikusi ▸ Pantaila osoan. Evince dokumentu-ikustailearen leihoaren tamaina aldatzeko, jatorrizko tamaina izan dezan, egin klik Irten pantaila osotik botoian.

3.5. Orriak edo dokumentuen egitura ikustea

Laster-markak edo orriak ikusteko, jarraitu urrats hauei:

  1. Aukeratu Ikusi ▸ Alboko-barra edo sakatu F9.
  2. Alboko panelean dokumentuen egitura ala orriak bistaratu behar diren hautatzeko, erabili alboko panelaren goiburuko goitibeherako zerrenda.
  3. Nahi den elementua edo orria alboko panelean bistaratzeko, erabili alboko paneleko korritze-barrak.
  4. Egin klik sarrera batean, eta dokumentuko kokaleku horretara joaten da. Egin klik orri batean, eta dokumentuko orri horretara joaten da.

3.6. Dokumentuaren propietateak ikustea

Dokumentu baten propietateak ikusteko, aukeratu Fitxategia ▸ Propietateak.

Jar daitekeen informazio guztia bistaratzen da Propietateak elkarrizketa-koadroan.

3.7. Dokumentu bat inprimatzea

Dokumentu bat inprimatzeko, aukeratu Fitxategia ▸ Inprimatu.

Ezin baduzu Inprimatu menu-elementua aukeratu, inprimatzeko aukera desgaitu dio dokumentuaren egileak dokumentuari. Inprimatzeko aukera gaitzeko, pasahitz maisua idatzi behar da dokumentua irekitzean. Pasahitzen bidez babestutako dokumentuei buruz gehiago jakiteko, ikus 3.9. atala ― Pasahitzez babestutako dokumentuekin lan egitea.

Inprimatu elkarrizketa-koadroak fitxa hauek ditu:

3.7.1. Lana

Inprimatze-area

Hautatu aukera hauetako bat zenbat orri inprimatu nahi dituzun adierazteko:

  • Denak

    Hautatu aukera hau dokumentuaren orri guztiak inprimatzeko.

  • Orriak, hemendik:

    Hautatu aukera hau hautatutako orri-bitartea inprimatzeko. Erabili biratze-koadroak orri-bitartearen lehen eta azken orriak zehazteko.

3.7.2. Inprimagailua

Inprimagailua

Erabili goitibeherako zerrenda hau dokumentua zein inprimagailutan inprimatu nahi duzun hautatzeko.

Evince dokumentu-ikustailearen bertsio honetan ez da onartzen Sortu PDF dokumentua aukera.

Ezarpenak

Erabili goitibeherako zerrenda hau inprimagailuaren ezarpenak hautatzeko.

Inprimagailua konfiguratzeko, egin klik Konfiguratu botoian. Adibidez, aldebiko inprimaketa gaitu edo desgaitu daiteke, edo inprimaketa atzeratua antolatu, inprimagailuak funtzio horiek onartzen baditu.

Kokalekua

Erabili goitibeherako zerrenda hau helburu hauetako bat hautatzeko:

CUPS

Dokumentua CUPS motako inprimagailu batean inprimatzen du.

Hautatutako inprimagailua CUPS motakoa bada, goitibeherako zerrendako sarrera bakarra CUPS izango da.

lpr

Dokumentua inprimagailu batean inprimatzen du.

Fitxategia

Dokumentua PostScript fitxategi batean inprimatzen du.

Egin klik Gorde honela botoian, eta PostScript fitxategiaren izena eta kokalekua zehazteko elkarrizketa-koadroa bistaratuko da.

Pertsonalizatua

Dokumentua inprimatzeko erabili zehaztutako komandoa.

Idatzi komandoaren izena testu-koadroan, komando-lerroko argumentu guztiak barne.

Egoera

Evince dokumentu-ikustailearen bertsio honetan ez da funtzionaltasun hori onartzen.

Mota

Evince dokumentu-ikustailearen bertsio honetan ez da funtzionaltasun hori onartzen.

Iruzkina

Evince dokumentu-ikustailearen bertsio honetan ez da funtzionaltasun hori onartzen.

3.7.3. Papera

Paper-tamaina

Erabili goitibeherako zerrenda hau dokumentua zein paper-tamainatan inprimatu nahi duzun hautatzeko.

Zabalera

Erabili biratze-botoi hau paperaren zabalera zehazteko. Erabili ondoko goitibeherako zerrenda neurri-unitatea aldatzeko.

Altuera

Erabili biratze-botoi hau paperaren altuera zehazteko.

Elikatzeko orientazioa

Erabili goitibeherako zerrenda hau inprimagailuan paperaren orientazioa hautatzeko.

Paperaren orientazioa

Erabili goitibeherako zerrenda hau paperaren orientazioa hautatzeko.

Diseinua

Erabili goitibeherako zerrenda hau paperaren diseinua hautatzeko. Hautatutako diseinu bakoitzaren aurrebista bistaratzen da Aurrebista arean.

Paper-erretilua

Erabili goitibeherako zerrenda hau paper-erretilua hautatzeko.

3.8. Dokumentu bat kopiatzea

Dokumentu bat kopiatzeko, jarraitu urrats hauei:

  1. Aukeratu Fitxategia ▸ Gorde kopia bat.

  2. Idatzi fitxategi-izen berria Gorde kopia bat elkarrizketa-koadroko Fitxategi-izena testu-koadroan.

    Zehaztu kopiatutako dokumentuaren kokalekua, behar izanez gero. Etxeko direktorioan gordetzen dira kopiak, lehenespenez.

  3. Egin klik Gorde botoian.

3.9. Pasahitzez babestutako dokumentuekin lan egitea

Pasahitz-maila hauek ditu egileak eskura, dokumentuak babesteko:

  • Erabiltzailearen pasahitza, dokumentua irakurtzeko soilik.
  • Pasahitz maisua, irakurtzeaz gain beste ekintza batzuk egiteko aukera ematen duena (adibidez, dokumentua inprimatzea).

Pasahitzez babestutako dokumentu bat irekitzen saiatzean, segurtasunezko elkarrizketa-koadro bat irekitzen du Evince dokumentu-ikustaileak. Idatzi erabiltzailearen pasahitza edo pasahitz maisua Idatzi dokumentuaren pasahitza testu-koadroan, eta egin klik Ireki dokumentua botoian.

3.10. Dokumentu bat ixtea

Dokumentu bat ixteko, aukeratu Fitxategia ▸ Itxi.

Evince dokumentu-ikustailean irekia dagoen azken leihoa bada leiho hori, aplikazioa itxi egiten da.