Proxecto de vídeo

Este proxecto permítelle obter ficheiros de vídeo (ficheiros con extensións como .mpg, .mpeg ou .avi, por nomear uns cantos) e gravalos no disco para crear un DVD de vídeo, SVCD ou VCD que pode ver nos reprodutores de DVD/CD normais.

Para usar todo o potencial do proxecto de vídeo, vostede debe instalar os engadidos de GStreamer, ffmpeg, vcdimager e dvdauthor. Vexa a documentación do seu sistema operativo para obter máis información sobre como instalar estes aplicativos.

Para crear un proxecto de vídeo, proceda como sigue:

  1. Insira un CD ou DVD en branco na súa unidade

  2. Prema en Proxecto de vídeo na xanela principal ou seleccione Proxecto ▸ Novo proxecto ▸ Novo proxecto de vídeo.

  3. Explore o sistema de ficheiros na busca de ficheiros de vídeo desde o panel da esquerda da xanela.

    Seleccione os ficheiros que quere mediante un dobre clic sobre eles ou seleccionandoos e logo premendo no botón Engadir na parte superior esquerda da barra de ferramentas.

    Se non pode ver o panel da esquerda, seleccione er ▸ Mostrar o panel lateral ou prema F7.

  4. Na caixa de texto, insira o título que quere darlle ao disco. Este título mostrarase como o nome do disco.

  5. Cando todos os ficheiros foran engadidos, prema en Gravar.

  6. Mostrarase o diálogo de configuración de gravación de disco; faga as modificacións desexadas (vexa Sección 3.3.1 ― Opcións do proxecto de vídeo).

  7. Prema en Gravar para iniciar o proceso de gravación.

Ao engadir ficheiros, revise a barra de estado na parte inferior da xanela para var canto espacio está empregando no seu CD/DVD.

Para gardar un proxecto para o se posterior uso, seleccione Proxecto ▸ Gardar.

3.3.1. Opcións do proxecto de vídeo

Antes de comezar o proceso de gravación, é posíbel modificar algunha das opcións de gravación.

Sección Seleccione un disco onde escribir:
Sección Opción de vídeo:
  • Desde Formatos de vídeo seleccione o formato co que gravar o vídeo.Pode escoller desde:
    • Formato nativo: o formato orixinal do ficheiro de vídeo.
    • PAL/SECAM: formato empregado principalmente nas televisións de Europa.
    • NTSC: formato usado principalmente nas televisións de América, Canadá e Xapón.
Sección Opcións de audio:
  • Seleccione Engadir un fluxo de audio MP2 para engadir un fluxo Audio en MPEG-1 Layer 2 ao disco.
  • Seleccione Engadir fluxo de audio AC3 para engadir un fluxo AC-3 Dolby Digital ao disco.
Sección Tipo de VCD:
  • Seleccione Crear un SVCD para crear un Super Video CD.
  • Seleccione Crear un VCD para crear un Video CD.

Unha das principais diferenzas entre un SVCD e un VCD é que o inicialmente usouse o códec de vídeo MPEG-2 video codec mentres que máis tarde MPEG-1. Para máis información vexa as páxinas de Wikipedia para o SVCD e VCD.