Rhythmbox musika-erreproduzitzailearen leihoa
3.1. Ikuspegi orokorra
Rhythmbox musika-erreproduzitzailearen leihoak zure musika gogokoena arakatzeko eta erreproduzitzeko aukera ematen dizu. 1. irudia leihoak Rhythmbox musika-erreproduzitzailearen interfazea bistaratzen du, haren osagai nagusiekin.
1. taulak Rhythmbox musika-erreproduzitzailearen leihoaren osagaiak deskribatzen ditu.
Id | Osagaia | Azalpena |
---|---|---|
1 | Menu-barra | Rhythmbox musika-erreproduzitzailea leihoan egiten diren atazei dagozkien menuak biltzen ditu. |
2 | Tresna-barra | erreproduzitzailearen funtzioetarako sarbidea eta uneko erreprodukzio-pistari buruzko xehetasunak hornitzen ditu. |
3 | Denbora-graduatzailea | Pista baten barruko kokalekua bistaratzen du; aukera ematen du pistako beste kokaleku batera jauzi egiteko. |
4 | Albo-panela | Iturburu erabilgarrien zerrenda bistaratzen du. |
5 | Arakatzailea | Aukera ematen du liburutegiko pistak generoaren, artistaren nahiz album-izenaren arabera arakatzeko eta iragazteko. Arakatzaileak, halaber, bilatzeko funtzio bat hornitzen du, zure irizpideekin bat datozen pistak bakarrik bistaratzeko. |
6 | Pista-zerrenda | Hautatutako iturburuari dagozkion pistak zerrendatzen ditu. |
7 | Egoera-barra | Albo-panelean hautatutako iturburuari buruzko datuak bistaratzen ditu. |
3.2. Albo-panela
Albo-paneletik sartuko zara zure musika-liburutegian, Interneteko irratian, erreprodukzio-zerrendetan eta audio CDetan. Albo-panelak ondoko iturburuak ditu:
- Rhythmbox musika-erreproduzitzailearen liburutegia: inportatutako pista guztiak bertan azalduko dira.
- iRadio iturburua, Interneteko irrati-estazio guztiekin.
- Podcastak.
- Erreprodukzio-zerrenda guztiak (normala eta azkarra).
- Ordenagailuaren CD unitateetan sartutako audio CDak.
- Zure ordenagailuarekin konektatutako erreproduzigailu eramangarriak (iPod-a, adib.).
- Sare lokalean aurkitutako DAAP musika partekatua.
- Musika-biltegiak (Jamendo, Magnatune...).
Albo-panela bistaratzeko edo ezkutatzeko, hautatu
.3.3. erreproduzitzailearen tresna-barra
Tresna-barraren areak unean erreproduzitzen ari den pistari buruzko xehetasunetarako sarbidea hornitzen du. Ez bada pistarik erreproduzitzen ari, area honek ez du informaziorik bistaratuko. Pista bat erreproduzitzen ari denean, pistaren izena bistaratzen da, eta, haren azpian, artistaren eta albumaren izenak.
Graduatzaile bat ere bistaratuko da, erreproduzitzen ari den pistaren aurrerapena erakusteko. graduatzaileak fokua duenean, gezi-teklak erabil daitezke bizkor aurreratzeko nahiz atzeratzeko erreproduzitzen ari den pista.

Gurpila duen sagua erabiltzen ari bazara, bolumena doi dezakezu gurpila gora nahiz behera korrituz, saguaren erakuslea bolumen-botoiaren gainean dagoen bitartean.