Гном 2.12 претставува нова стандардна тема позната како "Clearlooks" која што ја прави Вашата работна околина многу попривлечна и секако едноставна.

Figure 1 Привлечна, пријателска, едноставна: новата стандардна тема.

Менаџерот за датотеки исто така познат како Наутилус, во Гном 2.12 доаѓа со неколку подобрувања на корисничкиот интерфејс. Најприметливо е тоа што прегледот на листа сега покажува датотеки во директориумите со што Ви се овозможува да се движите подолу во некоја подпапка и да отворате нов прозорец за нова папка само доколку тоа Ви е потребно. Исто така менито со обележувачи овој пат ги покажува истите локации како и дијалогот за избор на датотеки.

Во Гном 2.12 влечењето на текст од апликација до прозорец со папка ќе Ви зачува доста време преку креирање на нов текст документ. Исто така ќе забележите дека Гном сега покажува и преглед на текстот што се влече, наместо да прикажува само икона.

Figure 2 едноставен но моќен: Наутилус, менаџерот за датотеки

Исто така направени се и големи подобрувања врз режимот за разгледување, со што режимот е направен сличен со постоечкиот избирач на датотеки во Гном:

Едноставната опција за снимање на CD-иња во Гном сега може да копира и аудио CD-иња како и CD-иња со податоци. Само кликнете со десното копче на CD-то веднаш откако ќе го внесете.

Гном сега ги памти податоците што ги копирате, дури и откако ќе го затворите прозорецот од кој што сте копирале. Овој долг проблем е конечно решен без проблеми во перформансите кои што обично се поврзани со демонот за програмата за копирање.

Панелот кој што нормално го гледате на врвот на екранот Ви дозволува да подигнувате апликации и да контролирате разни аспекти од Вашата работна околина. Благодарение на ротирачките менија, во Гном 2.12 можете да користите и вертикални менија и панели.

Исто така ќе забележите и дека прозорците на апликациите светкаат во листата на прозорци за да Ви сигнализираат дека се спремни. На пример, прозорецот на апликацијата за инстант пораки може да светне доколку пријател Ви испрати порака.

Figure 3 Панелот на Гном

Видео пуштачот на Гном, "Тотем" го користи фрејмворкот Гстример. Во Гном 2.12 видео пуштачот доаѓа со странична лента наместо со посебен прозорец, и овојпат поддржува и DVD менија и преводи.

Figure 4 Видео пуштачот

„Рипувачот“ на CD-иња за Гном едноставно вади музика од Вашите аудио CD-иња која што потоа можете да ја слушате на Вашиот компјутер или пак на Вашиот преносен музички уред. Сега можете да пуштате песни дури и пред да ги извадите. Последната верзија исто така со помош на VFS системот на Гном може да вади датотеки од мрежни сервери и преносни уреди.

Figure 5 Аудио екстракторот

Гномовиот веб прелистувач "Епифани" е базиран на Мозила и целосно се вклопува во работната околина Гном. Подобрувањата во 2.12 носат

Figure 6 Веб прелистувачот

Интегрираниот клиент за е-пошта, Еволушн, поддржува традиционално поставување за пошта како и Новел Групвајз и Мајкрософт Ексчејнџ. Со Еволушн можете да читате, пишувате и да се справувате со Вашите пораки, контакти и закажани настани.

Во Гном 2.12 Еволушн има поедноставен изглед за користење како и лента за привезоци и дозволува внатрешно PGP кодирање и PGP потписи. Календарот сега дозволува делегирање на Вашите состаноци.

Прокси и IMAP сметките во Групвајз се исто така поддржани. Решени се и некои проблеми со компатибилноста со Мозила Тандербрд и IMAP.

Figure 7 Клиентот за е-пошта

Гном сега доаѓа и со контролен панел „За мене“ во кој што можете да ги внесете Вашите лични детали како на пр. Вашите телефонски броеви, адреси, адреси за е-пошта и идентификации за инстант разговори без додатно да ги внесувате во сите апликации кои што ги користите. Тука исто така можете и да си ја менувате лозинката.

Figure 8 За мене

Контролниот панел за преференци на глувчето Ви дозволува да ја менувате темата на стрелките.

Figure 9 Преференци на глувчето

Гном 2.12, како замена за старите посебни PDF и .ps прегледувачи овојпат доаѓа со нов прегледувач на документи познат како "Евинс". Овој нов прегледувач е поедноставен и пофин со доста корисна опција за пребарување и можност за прикажување на повеќе страни одеднаш.

Figure 10 Прегледувач за документи

Прегледувачот на слики во Гном сега покажува слики со исправки на бојата и користи ICC профили.

Figure 11 Прегледувач за слики

Прегледувачот за помош на Гном сега го користи истиот енџин како и веб прелистувачот Епифани. Изгледот, брзината и стабилноста се многу подобрени.

Јелп исто така доаѓа со подобрена поддршка за одредено форматирање на локале дозволувајќи документацијата да биде рендерирана користејќи правила од одреден јазик, одличен додаток во новиот систем за преведување кој што им овозможува на преведувачите да преведуваат документација лесно како што преведуваат и апликации.

Figure 12 Прегледувач за помош

Алатката на Гном за пребарување сега покажува и сликички наместо само обични икони.

Figure 13 Пребарување

Речникот на Гном доаѓа со поедноставен кориснички интерфејс и ги претставува записите во поедноставен изглед. Сега можете и да одбирате фонт за приказ на записите.

Figure 14 Речник